Секој кој барем еднаш вградил гипс-картонски преграден ѕид се запрашал: како да закачам товар?
Од таа причина, во овој прилог се занимаваме со конзолните товари и со нивната правилна монтажа, а сето тоа поради зголемувањето на сигурноста и удобноста на животот во поткровјето.
Конзолните товари ги делиме на три групи:
Конзолните товари кои не преминуваат 0,4 kN/m (40 kg/m) од должината на ѕидот (на пр. полици за книги, ѕидни долапчиња итн.) едноставно ги закачуваме на кој било дел од ѕидот. Не е потребно да се „погоди“ профилот/потконструкцијата.
На куките за слики, во зависност од бројот на клинците со кои ги прицврстуваме на ѕидот, можеме да закачиме плоскави предмети до тежина од околу 15 kg.
Преградните ѕидови со единечна потконструкција можеме конзолно да ги оптовариме со 0,4 – 0,7 kN/m (40-70 kg/m) по должината на ѕидот и тоа на кое било место, доколку дебелината на облогата е поголема од 18 mm.
Истото тоа важи и за ѕидовите со двојна потконструкција, доколку профилите на конструкцијата меѓусебно се поврзани со парчиња од гипсени плочи.
Предметот кој се прицврстува (на пр. ѕидно долапче, радијатор или полица за книги) смее да има максимална ширина од 60 cm и длабочина од 30 cm. За бесење на средно тешки товари се препорачува примена на посебни челични типли за шупливи ѕидови.
Кај конзолните товари кои се потешки од 0,7 kN/m (70 kg/m) до 1,5 kN/m (150 kg/m), како на пр. ѕидни WC школки и мијалници, се користат посебни стоечки носачи или челични спојувалки кои ја пренесуваат силата на товарот на профилите и на масивниот под.
Носачите се изведени од не’рѓосучачки челик и се предвидени за монтажа на санитарни елементи, цевководи, училишни табли, бојлери и сл. Се монтираат помеѓу вертикалните ѕидни UA или CW профили и се прицврстуваат за профилите и за подот.
Расветлувачките тела, завесите и другите видови на товари едноставно и сигурно се прицврстуваат за плафонот од гипсени плочи со посебни типли за шуплини.
Притоа, треба да се води сметка за максималното оптоварување на одредени точки од гипсените плочи.
Кај дебелини на облогата од 12,5 mm на секои 40 cm оптоварувањето не смее да биде поголемо од 30 N/m2 (cca. 3 kg/m2).
Куки за слики
од 5 до 15kg
Метални типли
од 30 до 50kg
Пластични типли
од 25 до 40kg
Hartmut типли
од 35 до 55kg
Во зависност од дебелината на облогата и видовите на типлите, товарите до 50 kg можат едноставно да се обесат на преградните ѕидови.
Ѕидните долапчиња (на пр. низа на висечки кујнски елементи) безбедно зацврстете ги за ѕидот со метални типли за шупливи ѕидови на кое
било место од ѕидот.
Се препорачува користење на специјални метални типли кои не смеат да се монтираат на меѓусебно растојание помало од 7,5 cm.
Максималното дозволено оптоварување зависи од дебелината на облогите од гипсени плочи и од видот на завртката (погледнете во табелата).
Табеларен приказ на дозволени оптоварувања.
| ДЕБЕЛИНА НА ПЛОЧИТЕ | ТИПЛОВИТЕ ЗА ШУПЛИВИ ЅИДОВИ | HARTMUT |
|---|---|---|
| 12,5 – 15mm | 25kg – PVC 30kg – метал | 35 – 40kg |
| 18 – 20mm | 35kg – PVC 40kg – метал | 40 – 45kg |
| ‚25/2 x 12,5mm | 40kg – PVC 50kg – метал | 55kg |
Товарите со тежина до 200 N/m2 (околу 20 kg/m2) мораме да ги прицврстиме за плафонската потконструкција ако одредени места не го оптоваруваат плафонот повеќе од 100 N (околу 10 kg).
Оптоварувањата потешки од 200 N/m2 мораат да се прицврстат за меѓуспратниот таван.
5 совети за уредување на детските соби во поткровјето...