Пред да започнете со преуредување, важно е да се процени дали просторот во поткровјето е соодветен за целите на домување? Дали постојната покривна конструкција обезбедува доволно простор? Дали поткровјето е доволно високо?
Пред да се започне со преуредувањето, потребно е да се испланира изгледот на поткровјето и распоредот на просториите. Во оваа фаза контактирајте со архитект, чие знаење може да ви помогне да одговорите на следниве прашања: Колку простории сакате и можете да имате во поткровјето? Каква е можноста за спроведување на сите потребни инсталации? Извор на дневна светлина – колку прозорци и каков нивни распоред?
Проверете ги роговите и гредите – дали треба да се заменат со нови? Размислете за димензиите на прозорците кои сакате да ги вградите – дали растојанието меѓу роговите е доволно или е потребно премостување. Во оваа фаза советуваме консултации со статичар.
При преуредување на поткровјето не е секогаш потребно да се менува и кровната покривка, но ако тој е застарен, сега е идеална можност за реализирање и на овој вид работи.
Носечките ѕидови во долните катови најчесто не ја одредуваат положбата на преградните ѕидови во поткровјето, бидејќи тие можат да бидат лесни сувомонтажни преградни конструкции кои се слободно поставени во просторот.
Во текот на поставувањето на преградните ѕидови, потребно е да се спроведат и инсталациите – водовод, електрични инсталации, греење и сл.
