Колку што е важна звучната изолација кај преградните ѕидови, кои функционално ни ги одделуваат просториите и ни овозможуваат мир од активностите во соседната просторија, таа е исто толку важна и кај облогите на поткровјата. Денес, постои огромна палета на материјали кои се користат за покривање на кровот: веќе традиционалните керамиди, пластифицираните лимови или модерните сендвич – панели со PUR (полиуретан) или минерална волна, потоа, системски решенија со свој начин на ослонување, исполнување, заптивање и одржување.
