Sd-вредност – е параметар кој го опишува отпорот што градежниот материјал го има против навлегувањето на водена пареа. Колку е поголема Sd-вредноста, толку поголем е отпорот на градежниот материјал против навлегувањето на водена пареа. И обратно, колку помала е Sd-вредноста, толку помал е отпорот против навлегувањето на водена пареа. Затоа оваа вредност е важен критериум за правилен избор на градежни материјали, вклучувајќи и подпокривни мембрани и парни бариери (фолии).
мембраните со Sd-вредност помала од 0,5 метри, се паропропустливи и се применуваат во современото градежништво на покривни конструкции со вентилациски слој. Нивната пропустливост на пареа овозможува преминување на водена пареа од изолацијата во подпокривната мембрана.
мембрани со Sd-вредност од 2-5 метри се вбројуваат во активните парни бариери, односно пароизолациски мембрани, кои спречуваат навлегување на водена пареа од внатрешноста во изолација.
фолија со Sd-вредност над 20 метри се применуваат кај традиционалните покривни конструкции со два вентилациски слоеви (над и под подпокривната мембрана или облогата од даски), со што водената пареа од изолацијата не се спроведува преку подпокривната фолија, туку во во долниот вентилациски слој, кој се наоѓа под подпокривната фолија соодветно под облогата на даски.
Подпокривните мембрани и фолии се користат во системот на СКАТ покривна конструкција за која Knauf Insulation нуди исклучително решение.
Станува збор за LDS системот (Luftdicht-Dämmsystem – херметички изолациски систем). Тоа е енергетски ефикасен систем кој обезбедува максимална удобност во подпокривниот простор при значителна заштеда на енергија.
Предноста на LDS системот се манифестира со исклучителна топлинска заштита (комбинација од камен и стаклена минерална волна), која е дополнително зајакната преку одлично тампонирање и заштита од ветер, имено преку LDS мембраните.
Заптивка (Airtightness): само херметичката конструкција може да го задржи топлиот воздух внатре, а студениот надвор. Со спречување на протокот на воздух – т.е. на неконтролираниот проток на воздух преку врски и пукнатини во објектот, се зголемува животниот комфор и енергетската ефикасност, а како резултат на тоа се намалуваат сметките за греење и ладење. Строгите барања на градежните одредби за подобрување на енергетската ефикасност ја зголемуваат важноста на заптивката. Покрај тоа заптивката го штити целиот објект и материјалите од кои е изграден, од повреди, продолжувајќи го работниот век на објектот.
Заштита од ветер (Wind protection): се однесува првенствено за случаите кога изолацијата е директно под покривниот слој. Ефикасноста на изолацијата може да се намали значително, кога има инфилтрирање на воздух и “ефект на ладење” поради протокот на воздух. Со заштитните мембрани, кои се составен дел од системот LDS, овој ефект се минимизира.
РЕЗИМЕ
Прочитајте повеќе: Подпокривни мембрани – Како да се продолжи животот на покривот I Дел
1. За покрив кој се вентилира, потребно е, од горната страна на роговите, да се постави паропропусна – водонепропусна фолија, Homeseal LDS 0.02 (директно преку роговите, како што е прикажано на сликата, или преку растојание помеѓу поставени плочи).
2. Зашрафување на Knauf UD профили на растојание од роговите кое е еднакво на дебелината на стаклената волна (Unifit 035 или Ekoroll) која ќе се постави преку роговите.
3. На роговите да се зашрафат, Knauf сидрени анкери (на растојание од 40-50cm), исфрлени надвор од роговите за должина еднаква на дебелината на стаклената волна (Unifit 035 или Ekoroll) која ќе се постави преку роговите.
4. Се отвора пакет на Knauf Insulation камена волна, KR SK, 12cm со надолжно пресекување (*дебелината на NaturBoard FIT PLUS треба да биде еднаква на висината на рогот. За пример го земаме најчестиот случај – 12cm).
5. Премерување на растојанието на роговите
6. Таблата од камена волна, NaturBoard FIT PLUS, треба да се исече за 0,5-1cm пошироко од растојанието на роговите.
7. Се вградуваат таблите од камена волна, NaturBoard FIT PLUS, меѓу роговите, тесно, една до друга.
8. Се отвора ролна Knauf Insulation стаклена волна, Unifit 035 или Ekoroll, 16cm (*вкупната дебелина на термоизолацијата треба да биде 28cm).
9. Со стаклената волна се покриваат роговите и камената волна, со втиснување преку сидрените анкери.
10. Се поставуваат Knauf CD профилите преку сидрените анкери.
11. Се подготвува Knauf Insulation активната парна брана, Homeseal LDS 5, и универзалната леплива лента, Homeseal LDS Solifit.
12. Активната парна брана, Homeseal LDS 5, се поставува преку CD профилот, со преклоп од 10-15cm со 100%-но затворање на споевите со Homeseal LDS Solifit лента.
13. На CD профилите се зашрафуваат Knauf гипс-картонски плочи (GKB).
14. Сите елементи од LDS системот се вградени и вашето поткровје е идеално топлински изолирано.
Саморазливни подови на Кнауф